Bangkay, lumutang sa Pasig River
MANILA, Philippines - Naaagnas na ang bangkay ng isang lalaki nang matagpuang lumulutang sa Pasig River, sa bahagi ng Intramuros, Maynila, kahapon ng umaga.
Inilarawan ni PO2 Ryan Balatas, ng Manila Police District-Homicide Section, ang biktima ay may taas na 5’5-5’7, nakasuot ng camouflage na sando at itim na Adidas na shorts.
Nabatid na dakong alas-7:45 ng umaga kahapon nang matagpuan ang bangkay malapit sa Plaza Mexico River Bus Ferry sakop ng Intramuros.
Ayon kay PO3 Leandro Broas ng Philippine Coast Guard (PCG), ini-report ng napadaan na tug boat ang nakita nilang nakalutang na katawan ng tao.
Mahirap umanong makita ang anumang palatandaan kung ano ang naging sanhi ng pagkamatay ng biktima dahil lumobo na ang bangkay at ito’y naaagnas na. Ludy Bermudo
- Latest