Cebuano cyclists magtige
CEBU, Philippines - Ang mga Sugbuanong seklista makahigayon na sab pagpakita sa ilang abilidad pinaagi sa Round South Classic karong Septiyembre 10-11 didto sa lungsod sa Santander habagatang bahin sa Sugbo.
Ang pasiunang aksiyon sa maong duha ka stage nga lumba banatan sugod sa dakbayan sa Naga padung sa Santander.
Kadto lamang nakaapil sa stage 1 ang tugotan nga makasalmot sa stage 2 nga magsugod sa Santander dayon na ngadto sa Sibonga. Mga kategoriya nga kumbatihan mao ang 39-below ug 40-above categories.
Ang top 3 riders matag stage ug ingon man sa overall general classification makadawat og ganting salapi.
Ang registration nagkantidad og P400. Mahimong magpalista sa Lantaw-SRP o di ba didto sa Cyclelogic sa Parkmall. Ang katapusang adlaw sa registration gikatakda karong Agosto 31. (BANAT PALARO)
- Latest