Tawag sa mga reperi gibasol sa E-Painters
CEBU, Philippines – Ang bati nga tawag sa mga reperi maoy gitumbok sa Rain or Shine Elasto Painters sa ilang sakit nga kapildihan batok sa Alaska Aces, 78-94 sa Game-3 sa “best-of-seven” semifinals series.
Si coach Yeng Guiao, kinsa na-eject sa hinapos nga bahin sa first half tungod sa duha ka sunod-sunod nga technical fouls, miingon nga naguba ilang duwa tungod kay wala sila kadawat og nindot nga tawag gikan sa mga game officials.
Gawas ni Guiao, gipalagpot usab sa playing court ang sinaligang bigman sa Rain or Shine nga si Beau Belga tungod sa pagsige’g reklamo ngadto sa mga reperi. Ang Rain or Shine nag-atubang og kritikal nga duwa ugmang adlawa tungod kay likayan nila nga 1-3 nga biya sa serye ug nagpasabot nga hayag ang paglaum sa Alaska nga makaangkon og luna sa finals.
Nasayran nga sa wala pa ang reklamo sa Painters, una na usab nga nakontrobersyal ang laing semis series tali sa San Miguel Beermen ug Talk N’ Text Tropang Texters diin mireklamo ang nauwahi nga mas gipaboran sa mga referee ang Beermen. (BANAT NEWS)
- Latest
