2-0 tuyo sa NLEX

CEBU, Philippines - Human sa malampuson nilang PBA debut niadtong Martes, ang NLEX Road Warriors mosuway pag-angkon og sayo nga  liderato  sa ilang pakigsangka sa Talk ‘N Text Tropang Texters karong adlawa didto sa Smart Araneta Coliseum.

Ang NLEX mag-atubang hinuon og lisud nga tahas tungod kay sangkaon nila ang ilang sister-team ug perennial contender nga  Talk ‘N Text sa ilang duwa nga sugdan sa alas-4 sa hapon.

Ang NLEX ni coach Boyet Fernandez lab-as pa sa ilang come-from-behind nga kadaugan batok sa GlobalPort Batang Pier, 101-96.

Sa main game sa alas-7 sa gabii, magsangka ang Rain or Shine Elasto Painters ug Blackwater Elite nga pulos sab gustong mamawi gikan sa ilang kapildihan sa opener.

Ang Rain or Shine napukan sa San Miguel Beer, samtang ang Blackwater gibihag usab sa Kia Sorento. (BANAT PALARO)