Walay emosyon, dunay kalinaw

Kini ang usa sa mga linya sa Jedi Code. Hinuon, mahimong sabton nato kini ingon nga mastery sa atong emosyon. O sa ato pa, emotional mastery. Kay lagi ang tawo gumikan sa naghinobrang emosyon ang mahimong makabuhat og mga butang  nga lisud sabton. Ug gani tungod sa mga emosyon nga wala nato makontrol mamahimong makabuhat kita og salaod. Aron mamahimong malinawon ang atong kinabuhi kinahanglang kita ang mogiya sa atong pagbati dili ang pagbati maoy molumos kanato sa ka walay kapadulngan. Kinahanglang balanse ang tanan. Kay diha sa kinabuhi sa balanse anaa ang kalinaw. Ang tinuod nga kusog libot kanato ug uban kanato. Ang enerhiya sa pakiglambigit mahinungdanon kaayo aron mamahimong mabulokon ang atong kinabuhi. Atong palipangon ang mga maayong emosyon ug dili ang dautan ug makadaut nga pagbati. Atong buhongon ang kabataan sa mga nindot nga butang ug hunahuna aron sa ingon mamahimo silang malinawon ug mangita sa kalinaw ug dili ang kapintas nga mahimong mahatag sa DOTA ug uban pang mga duwa sa internet nga mapintas.