Bodegero gidudahan sa kompaniya
Dear Atty. Divine,
Ang akong pag-umangkon nagtrabaho isip bodegero. Lima ka tuig na siya nga nagtrabaho sa ilang kompaniya.
Karong bag-o, nawad-an ang ilang kompaniya og mga stocks ug ang gidudahan sa ilang manager mao ang mga bodegero, apil na ang akong pag-umangkon.
Gisuspenso sila samtang nagpadayon pa ang imbestigasyon sa kompaniya.
Unsa’y angay buhaton sa akong pag-umangkon? Makiangayon ba ang gibuhat sa kompaniya nga pagsuspenso bisan kon wa pa mapamatud-i? Daghang salamat.— Gloria
Dear Gloria,
Base sa Labor Code, ang employer mahimo nga mopailawom sa preventive suspension sa usa ka empleyado nga ilang gi-imbestigar.
Apan kinahanglan nga dili mosubra sa 30 ka adlaw ang preventive suspension.
Kon mapamatud-an ang empleyado nga wa’y sala human sa gihimong imbestigasyon, then kinahanglan bayran siya sa iyang sweldo sa panahon nga siya gisuspenso.
Apan kon mapamatud-an sab siya nga sad-an, dili siya entitled og sweldo ug mahimo sab siyang taktakon sa kompaniya human siya pahibaw-on sa resulta sa imbestigasyon.
Ang maayong buhaton sa imong pag-umangkon mao ang pagtubag sa pasangil batok kaniya aron pag-clear sa iyang pangan. Thanks and God bless.- — Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest