Human sa tanan

Kini ang gisulti nako sa asawang nasakitan gumikan sa binuhatan sa iyang bana. Di lalim ang gibati niya tungod kay bisan ang mga mahal sa kinabuhi ang wala man maghatag og pagtagad kaniya. Sa laktod anaa ang gitawag natong rejection sa iyang bahin. Ako siyang giingnan, atimana ang imong kaugalingon kay di hinakog nga atimanon mo ang imong kaugalingon. Importante kaayo nga imong hatagan og dapit ang imong kaugalingon aron mamahimo kang makapahuway taliwala ning maong mga pagsuway. Labaw sa tanan ayaw paghunahuna nga ang imong kaayo nga gipakita pagabaslan kay dili ingon ana ang kalibutan karon. Human nila magamit ang imong kusog ug matilawi ang imong bahandi daw sama ka na lang sa way pulos nga angay na lang ilambos. Sa laktod ayaw pagsalig dayon kay daghan ra ba sa mga himantayon ug mga hilabtanon mga nagpagarbo nga mga kristohanon.