^

Banat Opinyon

Wa’y mobarug batok ni Paolo

ARANGKADA - Leo Lastimosa - Banat

Wa’y mangahas og tulisok ni Davao City Vice Mayor Paolo Duterte, kamaguwangang anak lalaki ni Presidente Rodrigo Duterte, nga gilambigit sa mga eskandalo sa Bureau of Customs (BOC).

Kay bisan og nipasalig ang presidente nga mokanaog siya sa katungdanan kon may affidavit batok sa mga sakop sa iyang pamilya, may sukaranan gihapong kabalaka nga mas espeso ang dugo.

Labi na nga si Duterte dali ra kaayong makabakwi sa iyang mga sulti. Lisud pamalandungon ang kalbaryo nga mahiagoman kon duphan niya ang iyang anak ug duna pa’y lima ka tuig nga nahibilin sa iyang termino.

* * *

Apan nagpadayon ang mga huhungihong sa kalambigitan sa batan-ong Duterte sa pagpayuhot og mga kontrabando sa pantalan sa Davao ug sa ubang kahiwian sa BOC.

Ang resource persons nga niatubang sa mga imbestigasyon sa Kongreso pulos nakadungog sa kalambigitan sa ngalan sa anak sa presidente apan wa direktang makakita ni magkasultianay niya.

Mao nga ang mga imbestigador sa Senado ug sa House of Representatives, nga bagis kaayo batok sa ubang mga ginganlan, nikalit lang og kamapanagan-on dihang giawhag na sa pagdapit sa anak ni Duterte.

* * *

Mao nga napugos si Senador Antonio Trillanes IV pagbanhaw sa karaang dokumento nga unang nihingan sa batan-ong Duterte: Ang memorandum sa Presidential Anti-Smuggling Group (PASG) nga pinetsahan og Disyembre 7, 2007 (atol sa ikapitong tuig sa pamunoan ni kanhi Presidente Gloria Macapagal Arroyo) nga nilambigit ni Paolo sa pagpayuhot og sport utility vehicles (SUVs), luxury vehicles, bugas humay, asukar ug ukay-ukay.

Ang dokumento gipirmahan ni PASG Team Leader 2 Rosauro Bautista ug gipadala ngadto ni PASG Deputy Director for Intelligence Ruel Lasala. Nidason ni sa nahaunang report sa National Bureau of Investigation (NBI) nga pinetsahan og Disyembre 4, 2007.

* * *

Ginganlan ang “business partner” ni Paolo nga si Glen Escandor, giingong anak ni Koronel Escandor ug tag-iya sa Mandaya Hotel. Giingong gikan sa Japan ug Estados Unidos ang luhong mga sakyanan.

Gilambigit sab ang Muslim nga asawa ni Paolo, nga giingong responsable sa ilegal nga importasyon sa ukay-ukay, bugas humay ug asukar.

Apan bisan pa o tungod sa kusganong awhag ni Trillanes, wa’y alyado ni Duterte nga ganahang mopatawag ni Paolo ug ni bisan kinsa nga ginganlan niyang mga kasosyo.

[email protected].

vuukle comment
Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with