Ang sapatos ni Nong Raul
Sa haya ni Nong Raul ako gisuginlan sa iyang asawa nga si Nang Cleofe nga sila kuno ang gisuna kun nganong ang sapatos nga kuno alang nako ang wa pa mahatag. Nagamit na kini ni Nong Raul makausa ug buot niyang sa ako kini ihatag na niadtong buhi pa siya. Ug kay mao man ang iyang gusto ako kining gidawat, gisul-ob ug ilakaw lakaw agig paghinumdom sa kamanggihatagon ni Nong Raul niadtong buhi pa siya. Nindot kini nga disposisyon sa kinabuhi sa tawo. Usa ka ritwal ang gihatag niya ngari nako nga unta ako pud mismo samtang buhi pa ang mahimong manggihatagon usab. Adunay mga higayon nga kita magbagulbol tungod sa kalisdanan sa kinabuhi apan kun mohatag kita uban ang dakong kalipay ang tanan mamahimong makahuloganon. Kun asa ka man karon Nong Raul akong hinumdoman ang imong kaayo ug ang imong kaisog ug pagkamalinawon nga bisan pa man sa balatian nga gihambin wala nimo mahaya hinunoa ang Ginoo gipasalamatan mo sa gihapon.
- Latest