Ayaw kalisang sa Agora Phobia

Hunyo 25, 2017 Ikanapulo’g-duha nga Domingo sulod sa tuig

Mga Pagbasa: Jer. 20;10-13/Sal.69/ Rom.5;12-15/Mt.10;26-33

Daghan nato ang nahimong agora phobics labi na kun maghisgot kita sa atong pagtuo. Kay diha sa dayag o sa publiko daghan nato ang mahadlok man gani bisan na lang sa pagpanguros! Apan ang ebanghelyo nipahinumdom nato nga kinahanglang magmaisugon ta diha sa pagsangyaw sa mensaheng Diosnon uban ang himsog nga garbo nga ang Dios maoy atong gimantala ug dili ang atong kaugalingon. Sa atong panaw sa kinabuhi, dunay mga higayon nga kita motago, mo-project og kinaiya nga dili kita sa pamasin nga matago nato ang atong kahuyangan ug nga mapanalipdan nato ang atong kaugalingon gikan sa atong mga giisip natong mga kaaway ug gani apil na man ini mismo ang atong kaugalingong pagka kita. Mao nga ayaw og kalisang ni ika-uwaw nga ikaw tinun-an sa Ginoong Jesus aron dili ka niya ika-uwaw sa atubangan sa iyang langitnong Amahan ug sa mga Anghel sa langit.