Benign Martial Law

Atong hinumdoman nga mikurog kita pagdeklarar kaniadto og Martial Law ni kanhi presidente Marcos sa tibuok nasud. Sa unang mga adlaw, nindot kaayo ang epekto, apan sa nagsunod nga mga adlaw, mao na’y atong nasinati ang mga pangabuso sa nag-implement sa Martial Law. Among others, dakop dinhi, dakop didto, gitak-upan ang Kongreso ug ang Korte Suprema, lakip na ang media. Grabe ang atrocities.

Apan karon wala kini masinati sa Mindanao. Bugtong tuyo sa Martial Law nga gideklarar ni Presidente Duterte mao lang ang pagpuhag sa mga terorista nga mihasi sa Dakbayan sa Marawi. Mga tawhanong katungod nagpabiling gi-enjoy sa taga-Mindanao.

Mao ni ang ilang giingon nga smiling ug ‘benign’ martial law. So, wala kita’y angay nga kabalak-an, bisan kun ilakip kita dinhi sa Kabisay-an pagbutang ubos sa martial law.

Laing kahulogan, kon synonyms sa pulong benign:  kind, gentle, soft-hearted, tender, benevolent. Mao kini ang atong Martial Law karon. Hinungdan nga majority sa mga Pilipinhon, midason niini.

Atong panghinaut ug atong iampo nga magmalampuson ang atong kasundalohan ug  kapolisan paggukod sa mga terorista.

By the way, atong namatikdan nga kalit misulbong ang mga eksperto sa Martial Law.

All of a sudden, atong mabati ug mabasa ang mga komentaryo ug mga sinulat  sa nagkalainlaing outlet sa media bahin sa Martial Law.

Nag-iyahay sila’g analisar bahin sa implication sa Martial Law. Kita dinhi,  igo lang moingon nga it is a benign Martial Law.

* * *

Nabanhaw ang mga tinguha ug laraw pag-establish sa National ID System, ug lagmit madayon na kini karon. Ang House Committee on Population & Family Relations mi-aprobar sa maong laraw.

Niining balaudnon, usa ra ka ID card ang gamiton sa atong mga transaksiyon uban sa mga buhatan ug ahensiya sa gobiyerno, ug usa ra ka Common Reference Number (CRN) ang i-issue.

Ang ID card maoy mahimong “official identity verification of all Filipino citizens,” ug pinaagi sa CRN ma-verify ang tanang kasayuran nga napatik sa ID card. Ang mag-edad og 18 pataas,  gi-require paghupot niining national ID card, initially free of charge.       

Niini nga paagi, sayon na kaayo ang pag-identify sa mga molupyo sa nasud. Labing seguro ma-uncomfortable niini ang mga criminal elements nga wala lang kita masayod nga ato ra diay’ng mga silingan.

Ang National ID System dili makasupak sa atong mga tawhanong katungod, sukwahi sa gikahadlokan sa mga human rights advocates.  Hinoon, makatabang kini pagpatunhay sa kalinaw ug kahusay sa atong dapit.