Banat ( Leaderboard Top ), pagematch: 1, sectionmatch: 1

Anti Distracted Driving Law

Gipatuman sugod kagahapong adlawa ang Republic Act 10913 or Anti Distracted Driving Act sa Department of Transportation, ang balaod nga nagdili sa paggamit sa mga communication gadgets samtang nagmaneho sa sakyanan.

Naglakip kini sa pag text, pagtawag ug paggunit sa cellphone samtang nag-drive bisan pa og naghunong ang sakyanan kay naatol sa stop signal o huot nga traffic. Covered niini ang tanan nga matang sa transportasyon ma pribado man o publiko basta moagi sa karsada.

Hinoon adunay exemptions niini mao ang mga emergency situations ug kadtong mga sakyanan sa kapolisan, ug bombero. Sa kadtong masakpan nga nakalapas sa balaod adunay multa diin ang first offense 5,000 pesos, second offense 10,000 pesos, 3rd offense 15,000 pesos nga adunay suspension sa driver’s license sulod sa tulo ka bulan, ug ang 4th offense 20,000 pesos ug rebukahon ang lisensya sa driver.

Sa mga publikong sakyanan dili lang ang driver ang silotan lakip na usab mga operators. Gawas sa mga ahente sa Land Transportation Office i-deputize pud nila ang mga pulis sa pagpatuman sa balaod.

Admitido ang LTO nga kulang sila sa manpower ug dako kaayo kining hagit alang kanila tungod sa kadaghan sa mga sakyanan nga ilang bantayan.

Samtang dunay kabalaka sa uban nga basin sa kadako sa multa sa mga masakpan posible kining mahimong yawe unya sa kurapsyon sa mga badlongon nga mga enforcers. Dinhi mogawas na unya ang hinangyoay sa mga violators nga imbes mobayad og P5,000 mil mahimong hiloton na lang sa dos mil apan diretso sa bulsa sa apprehending officer.

Hinuon kini pangagpas lang apan aduna bayay basehan kay sa ka daghang ligdong sa ilang serbisyo duna gyuy ligoy kaayo nga matintal sa kwarta.

Sa mga motorista aron dili makamulta sayon ra kaayo ang himoon mosunod lang sa lagda sa trapiko.

  • Follow Us: