Brgy Basak, Lapu-Lapu City

" Sir Jun kusog man gihapon ang ilegal swertres diri sa among lugar kay bisan sulod sa barangay hall naa may mangisyu pero wala man badlonga. Naa ra bay nagduda Sir nga opisyal ra sab sa barangay ang usa sa mga financier ani nga sugal.”

Brgy Campo 8, Toledo City

“Wala pa man gihapon mawala ang ilegal nga drugas diri sa among lugar sir maayo untag iapil sa mga polis ang mga tawo diri  sa ilang kampanya sa "Tuktok Hangyo" kon TUKHANG."

Brgy Poblacion, Compostela, Cebu

“Diri sa among lungsod kay hugaw kaayo ang comfort room sa gymnasium unya baho pa gyud kaayo. Nganong wala may gihimo ang nagdumala niini nga naa man untay bayad ang tanang magduwa sa gymnasium.”

Brgy Apas, Cebu City

“Diri sa Upper Panabang nga sige ra man ang tari o tigbakay pero wala may midakop ani nga unta ilegal man ang ingon ani. Ang nakaparat pa gyud sir kay mga tanod ra man sad sa barangay ang magbantay sa tigbakayan."

Brgy Lanipga, Carmen, Cebu

“Kining dalan diri sa among lugar Sir kay lisod kaayo agian labi na kun mag-uwan dili hapit kaagian og tawo ug sakyanan. Nanggimaw man gud ang mga bato delikado kaayo sa disgrasya.”

Brgy Cadaruhan, Borbon, Cebu

“Naa lang unta mi reklamo Sir nga ipasusi sad sa mga polis ang among lugar kay naa sad mi nahibaw-an nga nalambigit sa ilegal nga drugas. Maayo unta’g naay ma-tukhang diri kay naa mi nadunggan nga naa ra sad nagtrabaho sa gobiyerno ang protektor diri."

Brgy Pulog, Consolacion, Cebu

“Nahibulong na man mi Sir nga daghan na man kaayo mga hauler ug dumptrucks nga magbuntagay biyahi diri sa among lugar unya kusog pa gyud sila mopadagan sa sakyanan. Nangatulog man ang mga opisyal namo sa barangay diri niining problemaha.”

Brgy Binaliw, Cebu City

"Amo lang ireklamo ang karsada diri sa 1 ug 3 sir kay sementado man unta pero lapok gihapon kaayo tungod sa quarry. Daghan sab kaayo mga dumptrucks nga magsige’g agi diri hinungdan nga mosamot ang lapok maong daghang mga motor ang matumba kun moagi sa maong karsada."

Brgy Linao, Talisay City

“Kadaghan nako nakadungog bahin sa TUKHANG nga daghang misurender nga mga adik pero diri sa among barangay wala lagi gi-tukhang nga daghan man kaayo mga adik ug namaligya’g shabu diri sa amoa labi na sa may Candaya dapit.”

Brgy Looc, Lapu-Lapu City

" Sir kanus-a man tawon mawagtang ang mga tricycle diri nga mga kolurom daghan na kaayo diri nagbiyahi sa merkado. Naa pay mga driver nga way mga lisensya."

Brgy Sto. Niño, Cebu City

“Naa lang ko’y pangutana nimo sir Jun kun nganong dili man mabadlong sa mga traffic enforcer ang mag double parking diri sa dalan Manalili unya kun PUJ gani bisag hunong ra kadiyot dakop man dayon.”

Alang sa inyong mga reklamo text lang sa 09326425494