School supplies, Sagalas Angheles ug uban pa Kini

Kini ang anaa karon sa among hunahuna ug kasingkasing sa dihang among gihimo ang subsob nga pagpangandam alang sa Flores de Mayo Culmination. Ang mga batan-on matag gabii sa kumbento moadto kay praktis dinhi ug praktis didto. Sila ang nihimo sa props samtang gipangita ang mga grasya nga matabang alang sa pagpalit sa mga school supplies nga gikinahanglan. Way kwenta sa gastuhan. Apan sagdi lang paagi kini sa pagpadayag nga diha sa kinabuhi sa parokya kinahanglang himuong alegre ang tanan taliwala sa kahagip-ot nga pinansiyal. Ang proseso sa pag-empower sa mga batan-on aron mahatag nila ang ilang best dako kaayo og kahimoan aron sa ingon mapukaw ang ilang creativity. Ila kining adlaw nga gihimo sa Ginoo alang kanila aron sila molihok, manlimbsog ug maghunahuna. Kay diha sa kinabuhi mahinungdanon ang creativity kay kun wa ang creativity uban ang simplicity nan, dili kasabot ingon nga tawo sa tinud-anay nga kahulogan sa gitawag nilang beauty.