Manny Pacquiao

Si Manny Pacquiao, ang labing bantugan nga boksidor sa tibuok kalibutan ug dakong garbo natong Pilipinhon, nakahukom nga mag-senador. Kini tungod kay alang kaniya, daku ug bug-at ang iyang qualification nga molingkod sa Senado.

Tuod man, seguro gayud siya nga ma-senador tungod kay ang Pilipinas nagkinahanglan kaayo sa iyang kaalam ug katakos pagpanday og mga balaod nga makahatag og dakong kauswagan sa atong nasud. Congratulations, in advance, Senator Manny Pacquiao.

In fairness, hinoon ni Manny, inigka-senador na niya, mo-retire kuno siya pagka-boksidor.  Mo-concentrate na siya pagpanday og mga balaod.

Sa iyang pagka-kongresista, nakatambong lang siya og kaupat ka higayon sa 70 ka session sa House of Representatives ug ambot kun may na-file ba siya nga balaudnon.

* * *

Karon, daghan na ang manglansar pagka-presidente ug pagka-bise presidente. Kini tungod kay ang matag-usa kanila naniguro nga mudaog.

Wa sila maghunahuna nga usa ra ka kandidato pagka-presidente ang mudaog, ug usa ra pud ka bise presidente ang pilion.

Ambot unsa ang ilang gibasehan sa ilang pagpaneguro nga modaog? Popularity? Performance? Kadaghan sa kuwarta ug kalig-on sa partido?

Kun sa plataporma, pupareho ra man sila’g mga baruganan ug mga laraw alang sa nasud. Kun sa ilang katarong ug kaligdong, nga silang tanan mangangkon nga matinud-anon ug wala’y mansa sa kinabuhi?

Dinhi, atong makita unsa kalawom ang panghunahuna sa mga botante. Giingon sa uban nga ang resulta sa umaabot nga eleksiyon, agad sa kaligdong sa mga pumipili, dili sa kaligdong sa mga kandidato, maka-make or break sa atong nasud. Sa ato pa, crucial kaayo ang 2016 election.

Kun magpasagad gihapon ang Pinoy, kun inegosyo gihapon ang balota, goodbye Philippines. Sa ubos nako nga panan-aw, gumikan sa kadaghan sa mga manglansar, mabuak ang puwersa sa oposisyon, ug kun magpabiling intact ang administration party kay anaa kanila ang dakong bentaha, being in power, daku ang kahigayonan nga mudaog ang Liberal Party.

Sa ato pa, ang less popular nga Mar Roxas maoy mudaog.  Sa among panahon, ubos sa two-party system, duha ra ang among pilian pagka-presidente ug pagka-bise.

Ug ang among basehan pagpili, gawas sa mga plataporma ug programa sa mga pilionon, among aninawon ang mga prinsipyo, baruganan, ideology, concepts, ug     political philosophy sa partido.

Karon, pagkadaghang partido. Apan, sa nga'n lang, wala'y klarong miyembro, wala'y klaro nga organization. Kutob lang sa mga press releases. Unsa gud ning klaseha nga partido nga dili gani ka-put up og kaugalingong kandidato?

Lungsod, protect the sanctity of the ballot.