Ayaw ibalewala ang presensiya sa yawa

Sa dihang nasayud kita nga posible ang gitawag natong IMAGINARY SATAN wala kini magpasabot nga atong ibaliwala ang presensiya sa Yawa. Kay ang yawa anaa naglibot-libot sama sa liyon nga nangita og tukbonon. Kun si Sun Tzu nasayud sa dakong bili sa Art of War labaw na ang Yawa ug angay natong masayran nga ang yawa mahimong makahatag og dakong kadaut kanato labina kun ato siyang tugotan nga makadominar sa atong kinabuhi.Mao nga si San Pedro nagtudlo kanato nga kinahanglang pakigbatokan nato ang gahum sa kangitngit pinaagi sa pagpuyo sa kinabuhi nga halayo sa iyang impluwensiya. Malisud man tuod kini apan dili kini imposible... Ato kining mahimo ato kining masuklan...