Japan naproblema sa ilang centenarians

Actually, ang mga senior citizens wala makahatag og problema sa Japan, kun dili, naproblema ang ilang gobiyerno sa pagpanghatag sa mahalon nga mga regalo ngadto sa ilang mga centenarians.

Sa atong nasayran, ang Japan nabantog sa pagkadaghan sa ilang katigulangan, ug matag tuig, daghan kaayo nga mga senior citizens nga muabot na og gatus ang edad.

So, daku kaayo ang ilang magasto alang sa mga pahinungod ngadto sa maong mga centenarians.

Gumikan sa kalisud karon sa ekonomiya, sa kadako sa ilang mga utang ug sa ilang giatubang nga nagtumpi nga social ug health expenses, nakahunahuna sila nga ilang kunhoran ang bili sa ilang i-regalo sa mga centenarians.

Matud pa, atong kutloon: “Japan is eyeing a cheaper alternative to the expensive gift that it gives to people turning 100 each year.”  Usa kini ka national program sa Japan.

Dinhi sa atong nasud, ambot pila lang kaha ka dakbayan ang magpahinungod sa mga centenarians. Sa dakbayan sa Sugbo, P100,000 ang madawat sa mga senior citizens nga mag-100 na ang edad.

Dili kaayo ni dako, considering nga labing daghan, duha o tulo ra ang mag-100, most of the time, usa ra g’yud. Busa, despite sa atong kahimtang ang City Hall wala maghunahuna nga kunhoran ang cash incentive.

Gani, ang cash gift ipadayon g’yud, labi na nga namunga na ang SRP, ug ma-regular na ang pagpanghatag niini.

Sulod sa kapin 50 na ka tuig, ang Japan nanghatag sa mahalon nga “silver sake dish” nga karon mobalor na og $65 kon kapin sa P3 mil. Multiply this by 50 or 100 centenarians throughout Japan.

Giingon dinhi, “Japan is wrestling with one of the world’s biggest national debts.” Mao ra og dili katuohan no? Kita dinhi, sa atong kakabus, giisip ang atong ekonomiya, nga one of the most dynamic and escalating sa tibuok Asia. Mao ra ‘sab og dili katuohan.

Samtang sa laing bahin, sa adunahan nga Singapore, ania kining atong nakutlo gikan sa Internet: “There are three retirements fears that are now plaguing Singaporeans.”

Unsa man ning tulo? 1.) Not having enough money to pay for medical bills. 2.) Not being able to look after yourself. 3.) Losing physical mobility. Familiar kaayo, di ba?

Ug usa sa ilang gikahadlokan pag-ayo mao ang pag-abandon na kanila sa ilang mga anak, diin itugyan na lang sila sa mga home for the aged. At least dili kaayo ni problema nato nga mga Pinoy.