Mamasapano

Kun mabugnaw man kini’ng isyo sa Mamasapano massacre, dugay-dugay pa g’yud kini nga mawala gikan sa mga panghunahuna ug panumdoman sa mga tawo.

Dugay pa kini nga mawala sa mga banner headlines sa atong mga mantalaan, ug dugay-dugay pa’ng mapul-an ang atong mga newspaper columnists ug mga radio commentators paghisgot niini, labi na og kontra sa politika o kaatbang nila si Presidente Aquino.  Kini gumikan sa kabangis ug kadugoon sa hitabo … nga kalikayan unta, sumala pa sa mga pangagpas sa uban. Dinhi nagtuyok-tuyok ang unod sa controversy. Pasangil dinhi, pasangil didto ug ang naig-an ug naligsan pag-ayo niini’ng mga pagpamasangil mao si Presidente Aquino isip commander-in- chief, ug subay sa dictum: Command responsibility.

Sa lilas nga MacArthur, atong nakita sa desk ni Presidente Truman nga nag-ingon: “The buck stops here.” Sa ato pa, ang tanang mga pasangil, adto mohunong sa lamesa sa presidente. Further, ang pagpadagan sa panggobiyerno, mabulilyaso man, o magmalampuson,tulobagon sa presidente.

Dugang niini, gisakyan ug gipahimuslan kini pag-ayo sa mga kaatbang ni P’Noy, to the extent nga ila siya’ng pakanaugon gikan sa gahum. Wala na sila’y nakita nga maayo sa pamuoan ni Presidente Aquino. Pulos na dautan. Bayas na kaayo ang ilang sentimento ug mga panghunahuna.

Ug ilang nakita nga ang issue sa Mamasapano, tukma kaayo nga makapahugno ni Aquino. Ug kun maabtan man sa 2016 Elections, ang Mamasapano massacre maoy labing dako nga issue batok sa mga kandidato nga sabakon ni PNoy. Sa ato pa, dugay-dugay pa g’yud ang atong paggisal ni’ng maong isyu. Meantime, kusog ang halin sa mga mantalaan, dugang listenership sa radio, ug mas daghan ang manan-aw sa telebisyon.

* * *

Tapus sa pag-ingon nga makaayo hapit  sa tanang sakit sa tawo, pasidaan dayon: “No approved therapeutic claims.” Unsay buot ipasabot niini? Tumar at your own risk?

Ang pulong “therapeautic” (adj.) nagkahulogan og “healing.” Sa ato pa, kun wala’y approved therapeutic claims, unsa man?

Ang Roget’s 21st Century Thesaurus naghatag og dugang synonyms sa pulong therapeutic: ameliorative, analeptic, beneficial, corrective, curative, good, remedial, restorative. Your choice, kanang mohaum sa imong gusto.

* * *

Sa Canada, ilang gi-amendar ang ilang balaod bahin sa prostitution. Gihimo’ng legal ang pagbaligya sa unod, apan ilegal ang pagpalit niini. Giingon dinhi: “It is legal to sell sex to individuals, but illegal to buy it.” Sa ato pa, problema na sa mga kustomer, dili sa nagbaligya. Kun i-apply sa atong nasud, unsa na lang? Ang pagpalit maoy ilegal: kun free diay?