Brgy Mactan, Lapu-Lapu City

“Magpatabang unta mi nimo sir Jun kay ang karsada diri sa Toong kay ngitngit kaayo dugay kaayo ni pero hangtod karon wala pa masulbad kining karsada gikan sa Vistamar padung na sa Crimson daot tanang suga.”

Brgy Uling, City of Naga

“Naay tawo diri kun mahubog mogawas dayon ang abilidad magpagawas dayon og pusil unya magsabasaba mura’g way silingan disturbo kaayo namo diri labi na kun makasuyop.”

Brgy Sangi, Minglanilla, Cebu

“Ang among agianan diri Sir pwerteng lisura kay maglunop kun mag-uwan daghan kaayong nahasol, maayo unta’g matabangan mi nimong masulbad ning problemaha”

Brgy Alang-Alang, Mandaue City

“Sa Pulangbukid dapit Sir kay daghan na kaayong mga basura dugay kaayo kuhaon sa truck hasol kaayo sa mga tawo nga mangagi unya usahay baho pa gyud kaayo.”

Brgy Matab-Ang, Toledo City

“Patabang unta ko sir Jun kay akong mama nga senior citizen nabiktima sa salisi sa sulod sa MC Donald gikuha iyang bag nga dunay sulod alahas balor 60 mil pesos niadtong Hulyo 27 pero hangtod karon wala pay aksyon ang mga polis. “

Brgy Calamba, Cebu City

“Ang problema namo diri sa sitio Kabrass Sir kay gihimo na mang dumping site sa ubang mga tawo kay dili man sila kamao mag-segregate sa ilang mga basura.”

Brgy Poblacion (Centro), Clarin, Bohol

“Sir Jun nagkadaghan na gyud ang mga adik diri sa among lugar dugay ni nga wa gyud matagad, maayo na lang kay naay gidakop diri karun lang bag-o nga mga tigbaligya’g shabu hinaut ipadayon pa kay daghan pang wa madakpi.”

Brgy Mahawak, Medellin, Cebu

“Naay pusher diri Sir nga hangtod karon wala pa gyud dakpa kay  naa may mosulti dayon kun naay polis daling patagoon, ang nakuyawan namo Sir kay naa ra ba ni kriminal record ning tawhana diri, naa man unta ni igsoon nga kwartahan.”

Brgy Maribago, Lapu-Lapu City

“Sir palihog mi’g pasusi diri duol sa barangay hall kay nakabantay mi nga naay suyopanan diha dapit, gusto lang namong ipasusi sa mga polis kay kuyawan mi’g magdaghan ning mga adik diri sa among lugar.”

Brgy  T Padilla, Cebu City

“Sir hangyo mi nimo nga ipasusi sa kapolisan nang sugal sa computer sa Villagonzalo kay naa diha maglungga ang mga driver sa Mandaue kay magsugal unya ang uban magsuyop luoy ming mga asawa kay wala nay magamit sa bawun sa mga bata kay wa nay i-remit nga subra sa kita.”

Brgy Alegria, Cordova, Cebu

“Naay daghan namaligya og shabu diri sa among lugar dugay na kaayo ni diri nga wala gyud atimana sa kapolisan daghan na sab kaayo nga taga diri sa amua nga makamao nang mosuyop og shabu.”

Brgy Poblacion, Lapu-Lapu City

“Kaming mga driver sa PUJ  diri Sir nahasol na gyud kaayo ning dispatcher labi nang diri atubangan sa city hall kay sige’g pangayo igo ra siyagitsiyagit nga unta mosakay ra man ang pasahero bisa’g way dispatcher, maayo unta’g ipahunong ni sa mga polis.”

Alang sa inyong mga reklamo text lang sa 09071678643