EDITORYAL – PDEA wala’y uwaw
Sagunson ang kalampusan sa kapolisan sa kampanya batok sa mga tigbaligya og shabu. Apan ang mga sakop sa Philippine Drug Enforcement Agency (PDEA) pabiling nagpabaga sa ilang nawong.
Dili ra kay ang PDEA dinhi sa Sugbo maoy wala’y mga kalampusan, kondili, apil na ang mga kauban nila sa lainlaing bahin sa nasud. Dili ba klaro na kaayo ang rason ngano nga nagyugpos lang sila?
Daan na nga ang PDEA wala g’yuy dagko’ng kalampusan sa kampanya batok sa gidili nga matang sa drugas. Mao man gani kini ang rason nga ang PDEA gihimoan og kahulogan sa uban.
“Pasil, Duljo-Fatima, Ermita ug A. Lopez, (Labangon)”. Kini’ng mga lugara nahibaw-an na nga daghang shabu, ug gani wala malilong kun kinsa ang nagpadagan sa shabu sa Duljo-Fatima apan wala’y gihimo ang PDEA.
Ang kadagkoan sa kagamhanan, ilabi na si Mayor Michael Rama, angay g’yud nga molihok niini pinaagi sa pagreklamo ngadto sa Malacañang nga ang PDEA nag-usik-usik lang sa kuwarta nga gisuweldo kanila sa katawhan.
Nagpabaga lang sa ilang nawong ang mga sakop sa PDEA. Gipahimoan sa Kapitolyo og bag-ong building apan nagpabilin sa ilang pagkatapolan. Wala kaha’y nagpahipi niini nga katarungan?
- Latest