Atong himoon ingon nga acronym ang maong pulong PASKO

CEBU, Philippines - P. Prayer kon pag-ampo. Ang Pasko panahon sa usa ka matidlumong paghilom.

A. Availability diha sa paghatag sa atong panahon,talento, ug katigayonan alang kanila nga nagkinahanglan.

S. Sincerity kon pagkamatinud-anon atubangan sa Dios ug sa atong kaugalingon.

K. Knowledge kon kahibalo sa Ginoo. Si Kristo Jesus mao gyud ang atong sentro ug tumong sa pagsaulog sa Pasko ug dili ang komersiyo.

O. Openness kon pagkaabli nga mudawat sa Diosnong panalangin ug mopaambit niini ngadto sa uban.

Sinyales sa pagkatalawan

Daghan sa mga boxing fans sa tibuok kalibotan ang nalipay sa dihang gihagit na sa Amerikanong boksidor nga si Floyd Mayweather ang Pilipinhong kampiyon nga si Manny Pacquiao alang sa dakong kumbati karong Mayo 2 sa sunod tuig.

Kumpiyansa silang mahinayon na gayud ang labing gikahinaman nga sangka tali sa duha ka labing inila sa boksidor sa kalibotan karon. Gani, mao kini ang labing dako nga away sa kasaysayan sa maong paugnat sa kusog. 

Human sa hagit ni Mayweather, andam na usab kuno ang pambato sa Pilipinas sa ilang away. Ug nangandam na si Pacquiao sa iya unya nga plano pag-pressure ni Mayweather bisan pa man kun abtik nga mudagan ang Amerikano sulod sa ring.

Ug niining bag-o nga kalamboan, madayon na gayud kaha ang gikahinaman nga away tali sa duha ka hari sa pound-for-pound sa boksing sa kalibotan? Daghan ang kumpiyansa nga madayon na kini.

Apan daghan na usab ang nagtuo nga dili gayud madayon ang mao nga sangka. Daghan kuno ang babag niini, ilabina sa pipila ka yangungo ni Mayweather nga dili usab madawat sa kampo ni Pacquiao.  

Hagbay ra untang magharong ang duha sa ring. Apan dayon lamang og ka sango ang matag negosasyon alang sa ilang kumbati. Kini gumikan sa dili nila pagkasinabot sa mga termino sa kontrata. Ug sulod sa lima ka tuig wala gayud mobunga ang maong mga negosasyon.     

Motuo na unta ko nga madayon na gayud ang mao nila nga ayaw. Apan duda usab ako sa sinseridad ni Mayweather sa iyang hagit ni Pacquiao. Kini tungod kay morag wala molurang ang iyang mga demanda.

Lig-on sa iyang baroganan si Mayweather nga mas dako gayud kuno siya og pahat sa premyo tungod lagi kay siya maoy star sa boksing. Hinuon misugot na si Pacquiao niini. Wala kuno mag-apas sa kwarta ang atong boksidor basta nga matuman na gayud ang maong away nga maoy gipaabot sa tanan.

Karon nga uyon na si Pacquiao sa iyang premyo, angay nga mangusog na si Mayweather nga mahinayon na gayud ang ilang sangka. Apan kun mohirit na usab kini og laing mga demand, klarong wala siya’y interes nga makaharong gayud si Pacquiao.

Ug ang padayong demanda ni Mayweather – bisan pa man sa nagkadakong pressure gikan sa mga boxing fans alang sa maong away – maoy usa ka dakong sinyales sa iyang pagkatalawan. 

Ang botika sa tanaman

Daghan nang nagpamatuod ug mga pagsulay nga gihimo sa mga eksperto kun unsa gyud ka-epektibo sa atong panglawas, ang kagamitan sa mga tanom kanato. Bisan sa biblical nga kasaysayan, ang tanaman sa Eden nga giilang paraiso, giandam kini alang sa unang mga tawo sama kang Adan ug Eba.

Gitagana ni di lang sa pagpatahom sa palibot kundi aron usab kadangpan sa panginahanglan sa lawas. Gawas lang niadtong gibaod sa Dios, apan mao gyu’y gitilawan, busa napanunod nato ang kamatayon. Apan ang Dios naghimo gihapon sa mga tanom nga may gahum sa pagpahimsog sa atong panglawas.

Nga pinaagi sa pagkaon niini, aron dili kita masakit. Nganong masakit man kita, kay kulang sa mga sustansya nga kini anaa lang sa mga tanom. Kun di kita hingaon o mahilig niini, permi ta magkasakit tungod sa mga komplikasyon. Ang mga tanom lang ang makahatag og hingpit nga kabaskog sa atong lawas.

Karon sa atong panahon, daghan nang nakaamgo sa kabililhon sa tanom. Ang mga buhatan sa parmasyutika o himoanan og mga pormularyong kemikals aron himuong tambal, daghan nang mikambyo sa pagprodyus og mga suplementong pagkaon o tambal nga gikan sa mga tanom.

Daghan man karon ang botika nga tinubdan sa mga tambal nga hinimo gikan sa pormularyo nga kemikals (synthetic), aron itambal sa may mga sakit.

Apan ang natural nga duga o kemikal nga anaa sa tanom (phytochemicals) maoy bugtong paagi nga musibo gayod ang pagsumpo nga mababagan ang mga hinungdan sa atong pagkasakit pinaagi sa nutrisyon. Ang tanom maisip sad kining natural nga tambal, nga kaniadto pa gigamit sa unang panahon.

Pasko 2014

Ambot pila na ka Pasko ang milabay sa atong kinabuhi. Daghan na g’yud kaayo ug dako ang atong pasalamat nga lain na usab nga Pasko ang atong nasinati ug gisaulog.

Mas doble ang atong pasalamat ug pangaliya sa mga grasya nga atong nadawat sulod sa tanang katuigan, sukad sa atong pagka-senior citizen.

Aduna kita’y talagsaong matang sa pagka-pinangga sa Ginoo, gumikan sa kataas nga katuigan nga gitugyan nganhi kanato. Usa kini ka special blessing ug angayan nga atong ibalik ngadto sa Labaw’ng Makagagahom ang kinasingkasing pasalamat. Usahay ra ba, sa atong pagkawalay utang kabubut-on, makalimot kita pagpasalamat ug atong i-take for granted ang gift of life.

Among others, ang atong pagsaulog sa Pasko pasalamat kang lolo ug lola, naghulagway sa kahimsog pa sa atong panglawas. Dugang pasalamat. Unya, dako usab ang atong pagpasalamat sa cash gift nga gihatag kanato sa City Hall, ang labing dako nga regalo sa tibuok nasud. Ang ubang mga dagko’ng siyudad, sama sa Makati ug Quezon, sa akong nasayran, tag P2 mil ra. Sa atong dakbayan, P12 mil g’yud ang gisaad alang sa matag senior citizen. Kun pananglitan, atong i-retain ang P2 mil sa atong cash assistance ug P10 mil ra ang atong dawaton, asa man paingon ang tag 2 mil pesos? Muabot kini og P120 milyones. Akong sugyot:

1.) Establish geriatric wards in all government hospitals as provided for in RA 9994, manned with geriatric doctors, nurses & staff;

2.) Put up seniors villages & homes for the abandoned elders;

3.) Purchase of medicines for maintenance of ailing seniors;

4.) Weekly visits by medical staff to bedridden seniors; ) free as many movies one can watch;

6.) Strengthening of the seniors coop. Sell NFA rice, put up botika sa mga senior;

7.) Monthly honorarium for chapter presidents;

8.) Maintenance of OSCA office and of the senior citizens center;

9.) Establish a senior citizens office in every barangay;

10.) Conduct livelihood seminars & training sessions on alternative medicine, food processing, dressmaking, candle making, breadworks, detergent making, reflexology, basic computer and call center lessons, etc., etc;

11.) Free ballroom dancing lessons.

12.) Regular bonding, group physical exercises, and cultural programs;

13.) Render community services,such as street cleaning, tree planting, regular visits to homes for the aged; feeding for the children, medical missions.

Di mo gusto niini? Klaro kaayo nga ang imong P2 mil kapahimuslan g’yud sa tanang senior citizens ning dakbayan. Nganong imo man ning ihikaw? Meantime, paminaw g’yud sa Senior Citizens Hour sa DYRC 648 KHZ matag Sabado, 5:00-6:00 pm, ug tawag tel. 4162868.