Banat ( Leaderboard Top ), pagematch: 1, sectionmatch: 1

Pantalan sa Ronda ipaayo

CEBU, Philippines - Dako ang kahigayonan nga mapadali ang pagpaayo sa pantalan sa lungsod sa Ronda human aprobahi sa Cebu Site Management Unit sa Tañon Strait Protected Seascape (CSMUTSPS) ang Social Assessment of Protected Areas (SAPA) alang sa wharf rehabilitation project sa lungsod sa Ronda.

Ang mga miyembro sa CSMUTSPS mipahigayon og tigom sa miaging   Miyerkules didto sa Kapitolyo ug giduso ang maong lakang pinaagi ni Samboan Mayor Raymund Calderon ug giaprobahan usab dayon ni Ronda Mayor Mariano Blanco.

Ang maong kalamboan gikalipay kaayo ni Mayor Mariano Blanco sa Ronda kinsa mipadangat sa iyang pasalamat ngadto sa Cebu Site Management Unit nga gipangulohan ni Governor Gwendolyn Garcia.

Si mayor Blanco nagkanayon nga pinaagi sa SAPA mapahigayon na ang subsob nga pagtuon alang sa pagpalambo sa ilang pantalan nga maoy usa sa naghatag karon og dugang kita sa lungsod.

Matud sa mayor nga dili makawang ang suporta nga iyang nakuha gikan sa management unit sanglit daghang kaayohan ang makuha gikan sa maong proyekto.

 Sa nasayran, aduna nay mga pumpboat gikan sa Negros ang modunggo sa nahisgutang wharf sa Ronda nga magkarga og mga produkto paingon dinhi sa Sugbo.  - BANAT NEWS

  • Follow Us: