Banat ( Leaderboard Top ), pagematch: 1, sectionmatch: 1

Gipukpok og bato sa ulo patay

CEBU, Philippines - Patay na nga nadiskubrehan ang usa ka construction worker nga gitabangan pag pukpok og bato sa mga kauban niini sa trabaho sa sitio Cadulang, barangay Marigondon, dakbayan sa Lapulapu sa miaging gabii.

Ang namatay mao si Jimmy Bocboc, 32, nagpuyo sa maong dapit ug ang mga suspetsado nga nagtinabangay sa pagpukpok og bato sa ulo mao sila si Ike Munez, Mario Muñez, Dennis Borlasa ug lain pa nilang kauban nga nailhan lang sa angga nga Ondo.

Sa imbestigasyon nga gihimo nila ni PO1 Junard Cinco sa Homicide Section sa kapolisan sa maong dakbayan maoy ilang nasuta nga gikainom pa sa biktima ang mga suspetsado sayo sa miaging gabii.

Nunot sa mao nilang panag-inom kalit lang mitumaw ang ilang panaglalis nga miresulta sa pagtinabangay og kulata sa biktima ug wala pa matagbaw ang mga suspetsado ang nagkuha pa og bato ug gipukpok ang ulo nga maoy hinungdan sa grabeng kadaut niini.

Dugang pa ni Cinco nga dihang natumba na sa yuta ang biktima ang mga suspetsado dali usab nga mipahilayo sa maong dapit.

Wala na maabti pa sa mga polis ang mga suspek sa ilang pag-abot. (BANAT NEWS)

  • Follow Us: