Banat ( Leaderboard Top ), pagematch: 1, sectionmatch: 1

Tomas makig-uli, Atan di motuo

CEBU, Philippines - Andam makig-uli sa maayong kabubut-on si Mayor Tomas Osmeña ngadto sa iyang kaatbang sa politika nga si Jonathan Guardo.

Kini human usab nagkauli ang maayong relasyon sa mayor ug sa iyang kaalyado kaniadto nga si Kongresista Antonio Cuenco.

Ang panag-uli ni Osmeña ug Cuenco gumikan sa paninguha sa kongresista nga si Ronald Cuenco nga kanhi konsehal sa siyudad ubos sa Bando Osmeña Pundok Kauswagan (BOPK).

Alang sa mayor dili dako nga isyu ang pagpakig-uli kang Guardo kun kini makatuman sa gipangayong kondisyon nga mao ang paghatag og husay sa P10 milyones nga pundo sa 23rd Southeast Asian Games.

Apan si Guardo sa iyang bahin nagkanayon nga dili siya motuo nga pakig-uli ang tumong ni Osmeña pinaagi sa paghisgot kanunay sa pundo sa SEA games.

Si Guardo nagkanayon nga ang kaso anaa na sa korte busa dili na kini angay hisgutan pa.

“The case is in the proper court and I’m not allowed to discuss anything about it. Me and Mayor Tom maybe on opposing side. We may disagree on a lot (of) issues, but you know what, I don’t take it personally. This is politics and its all part of the ballgame,” si Guardo nagkanayon.

Gitataw ni Guardo nga mahimo silang mag-abot ug maglamano sa kamot. “We can met anytime and shake hands. No hard feelings. At least ako wa jud ko motawag niya'g lampingasan ug may epekto sa chemo.”

Maka-usa gihagit ni Guardo si Osmeña nga pasabton sa mayor ang katawhan sa “extravagant” niini nga pagpuyo nga bisan sa P30 mil niya nga binulang suholan, nakahimo kini pagbalikbalik sa Amerika sakay sa first class nga flight.

Si Guardo makausa mihisgot usab sa pagsulay’g baligya ni Osmeña sa Cebu City Medical Center (CCMC) taliwala sa iyang pagbayad og P10 milyones nga insurance matag tuig ug naggasto og P1 milyon matag tuig nga bayranan sa tunghaan ni Miguel nga iyang anak. Hangtod karon, wala gyud motubag si Osmeña sa gipangayo nga pagpasabot sa iyang suweldo ug sa iyang mga gasto, lakip na ang pagpuyo sa balay nga gipanag-iya og negosyante. – BANAT NEWS

  • Follow Us: