Panagang lang sa kurapsyon?
CEBU, Philippines — Gihulagway ni Cebu City Mayor Tomas Osmeña ang pamahayag ni kanhi mayor Michael Rama nga justification sa kurapsyon may labot sa giingong pagpalit og wheel clamps nga sa iyang tan-aw overpriced.
Si Rama mihimakak sa maong alegasyon ni Osmeña dihang ang mayor mi-post sa iyang official Facebook page nga matod pa ang gi-order sa kanhi mayor nga 100 Denver Boots clamps (wheel tire clamp) nga nagkantidad og P44,950 matag unit diin sa kinatibuk-ang moabot tanan sa P4,495,000, overpriced.
Kay matud niya mipalit karon ang siyudad og susamang gidaghanon nga wheel clamps apan P845,700 lang ang nabayran sa siyudad.
Nakalatid sa purchase order pinitsahan og Hulyo 7, 2017, ang United Automart, supplier sa siyudad og mga clamps mitanyag lang og P7,860 sa gagmay'ng clamp ug P9,850 sa dagkong clamps.
Ang siyudad mipalit og 70 ka gagmay'ng clamps ug 30 sa dagkong clamps.
Matud pa ni Osmeña nakadaginot sa kwarta ang mga tax payers itandi sa administrasyon ni Rama.
“So now, ang pikas they say in the interest of good government they want to attack this anomaly because they want to improve the situation by destroying graft and corruption unya ang nigawas sila diay ang nagpalit.
So what’s my point, they are trying to say they are doing this, so that they can be the solution to the problem of corruption pero nigawas that they are part of the problem. Ngano man karon hilom sila. They’re justifying the corruption,” pasangil pa ni Osmeña. (BANAT NEWS)
- Latest
