Dunay rerouting karon, ugma

CEBU, Philippines — Ipahigayon karong adlawa ang Sinulog sa Kabataan sa Lalawigan ug sa Domingo sab ang Sinulog sa Kabataan sa Barangay.

Nunot niini ang Cebu City Transportation Office dunay gipagawas nga traffic advisory isip giya sa mga motorista ug sumasakay.

Karong adlawa, adunay re-routing sa Osmeña Boulevard gikan sa Capitol Site paingon sa Cebu City Sports Center nga magsugod sa alas 12 sa udto hangtud mahuman ang kalihukan.

Hinoon ang mga mosalmot sa Sinulog sa Kabataan sa Lalawigan naa lang sa pito nga gilangkuban sa City of Naga Division, City of Bogo Science and Arts Academy, Tribu Ginatilan, Municipality of Tuburan, Talisay City Central Elementary School, Carcar City Division ug Tribu Hinatdan sa Palanas, Ginatilan.

Samtang ugma moabot sa 20 ang magtigi nga maglangkub sa Tribu Buwad Festival sa San Nicolas Proper, Tribu Timbal Mambalinganon, Tribu Cogonanon sa Cogon-Pardo, Tribu Buhisan, Barangay Bulacao, Mabag-ohang Kabatan-onan sa Duljo-Fatima, Hugpong Karasikas, Pundok sa Maampuong Tisaanon, BMO-Sawang Calero, Tribu Bacayanon, Tribu San Roquehanon, Tribu Mabolokon, Tribu Mahugyawong Pasil, Tisa Performing Arts, Barangay Lahug Dance Company, Apas Central Command-BMO, Lumad Basakanon, Hugpong Kabatan-unang Mananayaw sa Sapangdaku, Banay Labangon ug Banauan Cultural Group.

Mga dalan nga maapektuhan mao ang Legaspi Extension (Plaza Independencia), Plaridel Extension, Osmeña Blvd. paingon sa gate sa Cebu City Sports Center.

Giawhag ang mga motorista ingon man ang mga sumasakay nga kun wala’y tuyo sa maong mga lugar dili na lang moadto.

Ang operations head sa CCTO, Francisco “Isko” Ouano, nihangyo og pagsabot sa publiko kun sila mapuwerhisyo sa mga kausaban sa rota ingon man kahuot sa dagan sa trapiko. (BANAT NEWS)