Stalls sa Tabunok market i-raffle
CEBU, Philippines — I-raffle ang paghatag sa stalls sa bag-ong merkado sa Tabunok, Dakbayan sa Talisay aron kalikayan ang estorya nga adunay pabor-pabor.
Kini ang tinguha ni Mayor Eduardo Gullas human ang mga manindahay sa fish section nihulagway nga aduna’y pabor-pabor ang paghatag sa stalls.
Gusto ni Gullas nga patas ang tanan nga adunay higayon nga makaangkon og pwesto nga pwerteng pabora ngadto sa mga kustomer.
Nagkanayon si Gullas nga dili gyud kalikayan ang mga reklamo apan iyang nakita nga ang pag-raffle maoy angay nilang buhaton.
Hinuon dili sab niya malikayan nga aduna’y pagkasuod sa relasyon ang mga opisyal sa merkado ingon man mga negosyante maong ang raffle ang iyang nakita aron wala na unya’y estorya human niini.
Ang merkado sa Tabunok hayan inugurahan karong Enero 12 dungan sa kasumaran sa pagka-siyudad sa Talisay.
Gipasalig ni Gullas nga wala’y mga manindahay nga dili mahatagan og pwesto sa bag-ong merkado. (BANAT NEWS)
- Latest
