Provincial tourism mogamit na sa social media
CEBU, Philippines — Aron nga mas ma-promote ang turismo sa Probinsya sa Sugbo ilabi na sa internet, ang Provincial Tourism Council nagplano nga iagi na usab sa social media ang pag-promote sa mga tourist destinations.
Si Bise Gobernador Agnes Magpale, co-chair sa PTC, nagkanayon nga gusto nila nga mas mopaduol sa social media ilabi na karon nga usa sa ilang target ang mga millennials nga maoy kasagaran mogamit sa social media.
Ang PTC nikuha na karon og content provider nga “Deezine” nga maoy momintinar, mo-update ug mo-promote sa mga tourist destinations sa probinsiya pinaagi sa website sa Kapitolyo, Facebook, Twitter ug Instagram.
“Sila ang mo-provide sa content, naa naman tay existing nga website pero admittedly dugay na kaayo walay sulod,” matud ni Magpale.
Anaa na karon sa Bids and Awards Committee (BAC) ang proseso sa pagkuha sa maong grupo.
Base sa “Most Popular Philippine Destination” wala naapil ang Sugbo sa mga most tweeted destinations sa nasud sa tuig 2017.
Ang naapil mao ang Rizal Park, Chocolate Hills, Boracay Island, Camiguin, Siargao, Vigan, El Nido Palawan, Batanes Islands, Coron Palawan ug Tubbataha Reef.
Si Magpale nagkanayon nga pinaagi sa official hashtag nga mao kini ang tinguha nga gamiton sa mga turista nga mobisita sa mga tourist destinations sa Sugbo ug mokuha og hulagway ug videos niini. (BANAT NEWS)
- Latest
- Trending
