Dili pa Pasko

CEBU, Philippines — Dili pa adlaw aron awiton ang mga awit sa Pasko kay dili pa man pasko matud pa ni Fr.  Mhar Vincent Balili sa Archdiocesan Shrine of San Roque ning dakbayan sa Sugbo.

Matud pa niya atol sa unang adlaw sa Misa de Gallo kagahapon sa kaadlawon nga ang Misa de Gallo dili pa kini pasko ug una awiton ang mga awit nga may kalabotan niini kay kaning mga adlawa pahinungod pa ngadto sa Mahal nga Birhen.

Tungod kay tuig man karon sa mga kaparian ug pagbahig ngadto sa pagserbisyo sa pagkabalaan kinahanglan nga ang tawo mosangyaw sa pulong sa Diyos pinaagi sa pagpaambit niini.

Sumala pa ni Balili dakong  hagit karon sa katawhan ang pagpaambit sa maanindot nga estorya ni Kristo ug dili ang panghimantay sa kasaypanan sa uban.

Atol sa Santos nga Misa gipahigayon ang pagpasiga sa mga sugang dagitab sa “Belen” nga  kabahin sa programa para sa mga batang libud-suroy ubos sa “Akong Gugma Alang sa Kabataan (AGAK) program sa parokya.

Ang mga batang libudsuroy nga giatiman sa maong programa midalit og pasundayag sa mga manimbahay kagahapon. (BANAT NEWS)