Kapolisan sa Lapu-lapu full alert na
CEBU, Philippines — Giisa sa full alert status ang kapolisan sa Dakbayan sa Lapu-Lapu atol sa mga adlaw sa Misa de Gallo hangtud sa Pasko.
Sugod karong adlawa hangtud sa petsa 25, adlaw sa Pasko, butangan sa Lapu-Lapu City Police Office og Public Assistance Desk ang pito ka simbahan.
Matud ni Supt. Elmer Lim, Deputy City Director for Administration sa LLCPO, nga tag 10 ka polis ang ipakatap sa mga simbahan aron maseguro ang kalinaw sa Misa de Gallo.
Awhag sab sa kapolisan sa katawhan nga magmabinantayon usab ug motaho gilayon sa kapolisan kung adunay mga tawo nga makit-an nga kadudahan og lihok. Pahimangno sa kapolisan sa mga manimbahay nga seguruhon usab nga sirado ang ilang panimalay aron malikay sa mga mapahimuslanon.
Gipahinumduman usab sa LLCPO ang mga barangay nga mobutang og fire cracker zone. (BANAT NEWS)
- Latest