Mamaligya og pabuto panakpon

CEBU, Philippines — Kapin usa ka semana usa pa ang adlaw sa Pasko anam-anamon og badlong sa Cebu City Police Office ang mga illegal nga namaligya og pabuto gawas sa South Road Properties.

Matud pa ni CCPO Deputy City Director for Administration Supt. Artemio Ricabo dili una nila sila diretsong pangdakpon, apan kon dili gyud mopatuo ug makadungog gihapon og reklamo batok nila sikupon na sila og pasakaan og kaso.

Ilang giawhag ang mga buot gyud maninda og mga pabuto nga mokuha og clearance ug uban pang requirements aron mahatagan og endorsements gikan ni CCPO City Director Senior Supt. Joel Doria nga makabaligya didto sa SRP.

Gilikayan sa gobiyerno nga aduna na say mga mangabuthan ilabi na ang kabataan ug ingon man sunog tungod sa pabuto hinungdan nga gidili ug gani si Presidente Rodrigo Duterte mipagawas og Executive Order No. 28 niadtong Hunyo ning tuiga nga nagdili aning pagpataka og baligya ug pagpabuto. (BANAT NEWS)