Libud-suroy gipanghipos

CEBU, Philippines — Sugod sa miaging semana ang Cebu City Social Welfare and Services nagpahigayon og daily rescue operation sa mga street dwellers dinhi sa siyudad.

Kini human nabantayan sa maong buhatan ang nagkadaghan nga street dwellers nunot niining kasaulogan sa Pasko ug Bag-ong tuig.

Dunay mga bata uban sa ilang mga ginikanan ang manaygon diha sa kadalanan kini bisan og delikado tungod kay kuyaw nga maligsan.

Ang CSWS pinaagi sa pakig-alayon sa Task Force for Street Children, Women’s and Children Desk sa Cebu City Police Office, Barangay officials, Non-Governmental Organization magsugod sa pagsuroy gikan sa alas 2 sa hapon hangtod na sa alas 10 sa gabii.

Gani, sa miaging semana naka-rescue sila og 14 ka mga indibidwal diha sa kadalanan ilabi na sa may Fuente Osmeña, B. Rodriguez ug uban pa.

Ang mga ma-rescue nga mga street dwellers adto ipahiluna sa Parian Drop In Center ug Community Scout Youth Guidance Center.

Kadtong mga dili taga Cebu City papaulion sa ilang mga probinsiya ug siyudad pinaagi sa CSWS.

Sigon ni Japson nag-ilis sila og schedule sa rescue operation gikan sa matag semana ngadto na sa kada adlaw aron masayod ang mga street dwellers nga seryoso gyud ang City Government sa pag-atiman nila.

Samtang ang CSWS nagpahigayon na og information dissemination nga ang City Government estriktong mopatuman sa Anti-Mendicancy Law.

Nagsugod na ang CSWS sa pagpalit og stickers sa mga jeep de pasaheroan ug pagpanghatag og flyers mahitungod sa maong balaod sa publiko. (BANAT NEWS)