Cebu higpit vs smugglers
“These smugglers they can make their business legal na kikita din naman sila. Just do not deprive our government of its rightful revenue dahil talagang huhulin namin kayo,” bahad pa ni Lapeña. Philstar.com/File Photo
CEBU, Philippines — Lain na usab 71 ka mga container vans nga gisudlan og mga smuggled nga bugas ug mga ceramic tiles ang nasakmit sa Bureau of Customs pinangulohan ni Commissioner Isidro Lapeña kagahapon.
“The Port of Cebu will be a problem destination for the smugglers. This will served as a strong message and a stern warning that they will not be able to continue in doing this kind of business,” bahad pa ni Lapeña kagahapon dihang giablihan ang 18 ka mga containers vans sa Cebu International Airport.
Ang Bureau of Customs-Port of Cebu mipagawas og kamandoan batok sa 71 container vans nga ilang gi-intercept sa pag-abot niini dinhi gikan sa nasud sa China niadtong Nobiyembre 27, 29 , 30 ug niadtong Disyembre 3.
“These smugglers they can make their business legal na kikita din naman sila. Just do not deprive our government of its rightful revenue dahil talagang huhulin namin kayo,” bahad pa ni Lapeña.
Nasayran nga sa 71 container vans, ang 21 niini ang giablihan diin ang 14 adunay sud nga premium rice nga may brand name Mayon ug Aguila samtang ang pito mga ceramic tiles sumala pa ni Rico Rey Francis Holganza, BOC-Cebu deputy collector for operations.
Matud pa nga kining tanan gideklarar sa consignee nga mga ceramic tiles.
“I will issue a warrant of seizure and detention against the shipment once we will open all the container vans,” matud pa usab ni BOC Cebu district collector Wivina Pumatong.
Matud pa niya, bisan ang mga ceramic tiles shipment tinuod nga gideklarar apan apilon gihapon nila kini pagsakmit kay gigamit man kining pangtabon sa uban pang container vans nga ang sud mga bugas.
Matud ni Lapeña ang 35,500 sakong bugas dili na ipaubos sa subasta kay direkta na kining idonar ngadto sa Department of Social Welfare and Development.
“We will donate that to the DSWD and maybe doon sa Marawi bigyan natin ng mga bigas doon,” matud pang Lapeña. Hasta ang mga ceramic tiles mahimo usab nga dad-on didto sa Marawi City isip donasyon tungod sa nagpadayong rehabilitasyon didto human sa gubat.
Ang consignee sa shipment mao ang Seven Myth Marketing nga nagbase sa Room 1202 D Palanca Compound, General Luna St., Ermita, Manila ug Rainbow Horizons Enterprise nga nagbase sa Rm. 448-A, 4/F Regina Building, Escolta St., Binondo, Manila.
Karong adlawa hangtud ugma padayunon ang pag-abli sa uban hangtud mahurot tanan og abli ang 71 container vans.
Duha ka semana na ang milabay dihang nasakpan usab ang 160 ka mga container vans dinhi sa Sugbo nga gideklarar ceramic tiles apan ang sud mga luxury vehicles samtang aduna say gideklarar nga mansanas apan ang sud mga carrots ug patatas nga adunay buhis. (BANAT NEWS)
- Latest
