Menor gidunggab patay
CEBU, Philippines — Patay ang usa ka 15- anyos nga lalaki human gikatahong gidunggab sa iyang nakaaway diha sa Sitio San Vicente, Barangay Poblacion 1, Dakbayan sa Carcar kagahapon sa kaadlawon.
Ang biktima naila nga si Romel Amalio sa Sitio Baraha, Barangay Poblacion 2 sa nahisgutang syudad.
Samtang ang suspek mao si Christopher Alesna, taga Sitio Luwan-Luwan, Barangay Poblacion 1 sa nahisgutang siyudad.
Matud pa ni PO2 Joe Marie Villar, desk officer sa Carcar City Police Station nga nag-inom ang biktima ug ang suspek diha sa usa ka convenience store.
Dihang nangahubog naglalis na kini hangtud nga niresulta sa pagdinunggabay. Apan si Amalio ang naunhan ug nagrabehan.
Nakaangkon og samad dinunggaban sa iyang liog ug buko-buko ang biktima hinungdan sa iyang kamatayon.
Samtang daling niikyas ang suspek dala ang kutsilyo nga iyang gigamit sa pagdunggab. Daghang tawo sa lugar nga nakakita apan walay mitabang sa kapolisan aron makakuha og dugang impormasyon bahin sa nahitabo. (BANAT NEWS)
- Latest