Duha ka kupa gikawat
CEBU, Philippines — Anaa na sa kustodiya sa kapolisan sa Lungsod sa Consolacion ang silver ug gold nga kupa sa kaparian sa Birhen sa Regla sa Dakbayan sa Lapu-Lapu.
Ang duha ka kupa gitugyan sa inahan sa napatay sa kapolisan nga si Dominic Pahugot kinsa nipunggot sa ulo sa iyang kapuyo nga si Lovely Jean Quimod.
Ang inahan ni Pahugot nitug-an ngadto kang Superintendent Mina Domingo, hepe sa Consolacion Police Station, nga ang maong duha ka kupa hinatag sa iyang uyoan nga nagpuyo sa Dakbayan sa Lapu-Lapu.
Matud ni Domingo nga naghimo na sila og dugang pakisusi labot sa duha ka kupa ug ilang nahibaw-an nga gipanag-iya kini sa kaparian sa nahisgutang simbahan.
Si Domingo niingon nga ilang itugyan sa kaparian sa nahisgutang simbahan ang duha ka kupa nga ilang gituohan nga gikawat. (BANAT NEWS)
- Latest
