Banat ( Leaderboard Top ), pagematch: 1, sectionmatch: 1

‘Drop box’ vs. illegal drugs

CEBU, Philippines — Miani og daghang reaksyon ang nagkadaiyang opisyales sa gobiyerno kabahin sa plano sa Department of Interior and Local Government (DILG) nga magbutang og drop boxes aron didto isumbong ang mga tawong nalambigit sa ilegal nga drugas, apan adunay mga pangutana kun makaayo ba kini o dili?

Si Cebu City Mayor Tomas Osmeña way supak  sa plano sa Department of Interior and Local Government pagbutang og drop boxes aron diha ibutang sa mga tawo ang mga ngalan niadtong mga giingong nalambigit sa ilegal nga drugas diha sa ilang mga lugar.

Ang maong programa gipaabot nga ipatuman sunod buwan subay sa programa sa DILG nga ‘Mamayang Ayaw sa Anomaliya, Mamayang Ayaw sa Iligal na Droga (Masa Masid Program).

Apan mipasidaan ang mayor nga kinahanglang mag-amping ang mga magbutang sa drop boxes tungod kay adunay mga barangay officials nga nalambigit sa ilegal nga drugas adunay daghang Closed Circuit Television (CCTVs) nga makakita kinsay nibutang og report sa drop box.

 “I don’t think so but hey I’m not stopping them, I’m just giving warning caution to people, you tell some stranger to put it in there do not expose yourself because that drop is going to be monitored by the pushers in your neighborhood,” pasabot pa ni Osmeña.

Si Association of Barangay Council (ABC) President ug Tisa Barangay Captain Philip Zafra mipadayag nga ang drop box mahisusama og suggestion box sa mga opisina sa gobiyerno og paghatag og opinion sa mga serbisyo.

Iya usab gisugyot nga mo-text na lang sa mga opisyales sa barangay kun aduna silay mapanid-an sa ilang mga silingan nga may kalambigitan sa ilegal nga drugas.

Dugang pa ni Zafra nga ang maong pamaagi makonsiderar niya nga compliment pagpamilit og sticker sa mga kabalayan nga drug free.

Apan si Emma Joyevelyn Calvo, OIC-Chief DILG Cebu City miingon nga kinahanglan nga beripikahon kung unsa ka tinuod ang mga gipangsuwat nga pangalan sa suggestion box.

Dugang pa ni Calvo, walay si bisan kinsa nga mahimong mobukas gawas lamang sa mga sakop sa Philippine Drug Enforcement Agency, Philippine National Police ug mga sakop sa Ugnayan ng Barangay at Simbahan.

Samtang wala pay mahatag nga reaksyon si Atty. Arvin Odron, Regional Director CHR bahin niini tungod kay magpaabot pa sila sa ilang ulohan nga buhatan.

Basin abusaran

Apan ang director sa Public Affairs and Strategic Communication Office sa CHR Atty. Jacqueline Ann de Guia, nibutyag nga ang CHR nisuporta sa kampanya sa gobiyerno batok sa ilegal nga drugas.

Apan sila sa CHR nabalaka sa paggamit sa drug boxes ug pagkolekta sa pangalan sa gituohang nalambigit sa ilegal nga drugas  ug pagpamilit sa pipila ka mga opisyal sa pipila ka mga stickers maabusaran ug mayatakan ang tawhanong katungod.

Matud ni de Guia, ang information nga makolekta sa drop boxes magsilbing lead sa kapulisan apan dili gyud imposible nga butangbutangan ang mga inosente ug kun dili tarongon pagberipika ug kon dili sundon ang proseso sa korte peligro gyud kini.

 “We would like to remind both local and national  security authorities that in performance of their duty, law enforcement officials shall respect and protect human dignity and uphold human rights of all         persons,” matud pa ni de Guia.

Si Police Regional Office 7 Regional Director Chief Supt. Jose Mario Espino mipasalig nga ilaha gyung klaruhon ug imbestigahon ang mga sumbong sa drop box aron dili sila masayop.

Matud niya magamit usab kini aron mapitol kining mga badlungong polis kay pwede man sila nga iapil sa isumbong diha sa drop box.

Ihunong una

Samtang walay nakitang problema si Tomas Osmeña sa dayalogo sa CHR 7 tali sa mga sakop sa ABC, Philippine Drug Enforcement Agency (PDEA)-7, DILG Cebu City bahin sa isyu sa pagpamilit og tarpaulins nga gisaway sa mga tawo.

Kini mahitungod sa kun wala bay nalapas ang pagbutang og drug free stickers ug ubang klase sa kampanya pagtubag sa problema sa drugas sa mga barangay.

 Sa pagkakaron, nagkauyon ang mga opisyales sa kabarangayan nga hunongon una ang pagpamilit niini.

Apan si Osmeña miingon kinahanglang klaruhon sa CHR ang ilang papel.

 “They can always meet, we have a democracy just like you are asking for my opinion, and they are entitled to their opinion.

They cannot stop it, they have no right to stop anything. Human rights should understand human rights sa pagkakaron human rights is good for protecting the drug pushers, that’s what I see, they are not protecting the victims, so be careful,” matud pa ni Mayor Osmeña. (BANAT NEWS)

  • Follow Us: