30 satanic rosaries gisunog
CEBU, Philippines — Mga parokyano sa siyudad sa Sugbo mi-surrender ngadto sa kaparian sa giingong rosaryohan nga may dalang ‘tunglo’ tungod kay aduna kini mga “satanic symbols” nga makita sa cross niini.
Sumala pa nga ang mga kaparian sa Agustino sa Sugbo nakadawat og pipila sa mga “infested” nga rosaryohan gikan sa mga deboto ug layko nga ilaha dayong gibasahan og exorcism prayer dayon gisunog.
Si Father Ric Anthony Reyes sa Order of Saint Augustine (OSA) miingon nga mominus 30 ka susamang mga rosaryohan ang gidala diha kanila sugod niadtong Septiyembre 8.
“We properly disposed cursed occult paraphernalia by burning them. I recited a minor exorcism prayer which has been recommended for priests who were not appointed as official exorcist,” saysay niya sa Banat News.
Sa artsidyosises sa Sugbo, adunay usa lamang ka exorcist nga gitudlo ang obispo nga mao si Monsignor Fredrerick Kriekenbech.
Sa mga kaparian sa Agustino sa Basilica Minore del Santo Niño de Cebu, si Reyes ang gitahasan nga mokolekta ug mo-dispose sa mga rosaryohan nga may makitang lahi nga simbolismo.
Siya miapelar sa mga Katoliko nga magbinantayon sa pagdawat ug pagpalit og bag-ong rosaryohan.
Sa laing bahin si Father Eligio Suico, chairman sa Cebu Archdiocesan Sub-Commission on Family and Life Apostolate, miawhag sa matag balay nga magrosaryo kanunay apan midasig kanila nga bantayan og maayo kanang mga rosaryohang libre nga ipanghatag o ibaligya sa baratilyo nga presyo.
Kon bag-o, kinahanglan pabenditahan kini sa pari. (BANAT NEWS)
- Latest