Banat ( Leaderboard Top ), pagematch: 1, sectionmatch: 1

Kong. Gullas andam mag-commute

CEBU, Philippines - Andam mo-commute o mosakay og pasaheroan si Kongresista Gerald Anthony Gullas sa unang distrito nga maoy gisugyot sa House Bill 6195 o Public Servants’ Commuting via Public Transport Act.

Tumong niini nga masuwayan sa mga opisyales sa gobiyerno ang tinud-anay nga problema sa karsada ingon man ang kahasol sa pagsakay og mga pampublikong sakyanan.

Kini aron usab kini makatabang kanila sa paghimo unya og mga balaudnon nga gikinahanglan kaayo sa mga sumasakay.

Ang maong bill giduso ni Aangat Tayo Party-list representative Neil Abayon niadtong Agosto 15 ning tuiga.

Gidasig sab silang mga public official nga kon mosakay sa eroplano diha gyud sila sa economy class sama sa gibuhat ni Presidente Rodrigo Duterte matag mouli kini sa Davao City.

Si Gullas nagkanayon nga maayo kini aron sila masuhito gyud sa balaudnon nga ilang ipatuman sa karsada ug uban pa. Matud niya dili na usab kini bag-o kaniya kay kaniadto mag-commute man siya sakay og taxi. (BANAT NEWS)

  • Follow Us: