Giluyo sa pagpusil sa higala
CEBU, Philippines - Patay diha-diha ang usa ka lalaki human giluyo pagpusil sa iyang mga higala sa Sitio San Miguel, Barangay Linao, Dakbayan sa Talisay niadtong Lunes sa gabii.
Ang biktima nailhan nga si Welgen Caquilala, 34-anyos, ulitawo nga taga Barangay Maghaway sa nahisgutang siyudad.
Si SPO2 Cecilio Miñoza sa Talisay City Police Station nagkanayon nga nakig-estorya pa ang biktima sa iyang mga higala.
Apan dihang nisuway na kini sa pagpaandar sa iyang motorsiklo kalit nga gipusil ang ulo niini sa wala mailhi nga tawo.
Nahagba ang biktima ug gibiyaan sa mga higala. Gitabang ang biktima apan nakabsan na gyud kini sa iyang kinabuhi.
Si Miñoza nagkanayon nga ilang gisuwayan sa pagkuha og mga testigos sa panghitabo aron mailhan ang mga mamumuno.
Posible nga personal nga bangi ang motibo sa krimen.
Padayon pa ang kapolisan sa pag-follow-up sa maong insidenti. (BANAT NEWS)
- Latest