Inayawan landfill estoryahan ni Lopez, Garganera
CEBU, Philippines - Makigtagbo si kanhi Department of Environment and Natural Resources Secretary Gina Lopez kang Konsehal Joel Garganera, kanhi chairman sa committee on environment sa konseho sa Siyudad sa Sugbo. Kini aron pagtuki sa sitwasyon karon sa slum area duol sa kontrobersiyal nga landfill sa Inayawan.
Karong Huwebes magkita si Lopez ug Garganera human kini makadawat og video sa iyang Facebook account nga nagpakita sa mga bata nga matud pa nagdagan-dagan sa hugaw nga tubig.
Sa text message nga gipadala ni Lopez sa konsehal iyang gisaysay nga dismayado siya sa sitwasyon. “I was utterly dismayed. I will see what I can do to help. The site of the children running in toxic water was heart wrenching,” tipik sa text message ni Lopez kang Garganera.
Subay niini, si Garganera niingon nga lakip sa tukion nila ang sitwasyon sa Inayawan landfill.
Usa ka independent group ang nagpadala kang Lopez sa video sa slum area nga gibuhatan og estorya ug posible nga ila kining bisitahon.
Matud niya nga daghang nagpuyo sa dapit ug iya kining gihulagway nga alarming ang maong sitwasyon. (BANAT NEWS)
- Latest