Interview sa Capitol scholars hangtud ugma
CEBU, Philippines - Duna pay kahigayunan ang 124 ka aplikante sa Paglaum Scholarship Program sa Kapitolyo kinsa wala motunga sa interview hangtud ugma, matud ni Bise Gobernador Agnes Magpale.
Matud ni Magpale nga niabot sa 1,377 ang aplikante sa scholarship ug dili na sila mo-interview og aplikante lapas sa gihatag nga tagal.
Ang komitiba sa Paglaum mopili na lang sa mga napaubos na sa interview kung dili gyud motunga ang mga wala pa ma-interview nga aplikante.
Giingong nakadawat pa og pagpanghulga si Magpale ug Gobernador Hilario Davide III nga ireklamo ngadto sa Ombudsman kung dili sila mo-interview sa mga ginikanan kinsa maoy nitunga alang sa ilang mga anak nga aplikante sa scholarship program.
Niining tuiga ang Kapitolyo nigahin og P10 milyones nga pundo alang sa 600 ka scholars ug laing 100 nga gi-subsidized ni Kabayan Partylist Representative Harry Roque ug laing 30 kang Senador Bam Aquino. (BANAT NEWS)
- Latest
