Kagawad consultant ni Eddiegul
CEBU, Philippines – Gikuha ni Talisay City Mayor Eduardo Gullas isip consultant sa kalikupan si kanhi konsehal Bernard Odilao nga karon barangay konsehal sa Poblacion.
Si Odilao ang aduna nay pagtugot sa konseho sa siyudad pinaagi sa pag-aprobar sa iyang appointment.
Plano ni Odilao nga moumol sa Kalikupan Task Force nga ang tahas mao ang pagbantay sa kalikupan sa siyudad.
Asoy pa niya nga 15 ka tawo ang maglangkub sa task force nga magtrabaho 24-oras.
Si Odilao nga maoy chairman sa committee on environment kaniadto sa konseho mohimo sa pipila niya nga programa nga gihimo dihang naglingkod pa siya isip opisyal sa siyudad.
Kini sama sa pagpanglimpyo sa Mananga River matag buwan. Lakip na dinhi nga limpyuhan ang kadagatan ug tudloan ang mga namuyo sa dapit kun unsaon nila pagpabilin nga limpyo ug hamugaway ang ilang lugar. /GMR (BANAT NEWS)
- Latest
