Banat ( Leaderboard Top ), pagematch: 1, sectionmatch: 1

‘Road rage’ suspect motahan?

CEBU, Philippines - Nanginlabot karon ang Malacañang sa gihulagway nga road rage nga gikalambigitan sa anak sa usa ka prominenteng negosyante sa Sugbo pinaagi sa pagbutang sa iyang pangalan sa watchlist aron dili kini makaikyas gawas sa Pilipinas.

Padayong gipangita sa kapolisan si David Lim Jr. nga nasayran sa Banat News gikan mismo sa Bureau of Immigration nga walay David Chua Lim Jr. nga nakagawas sa nasud. Una niini, duna’y report nga nanggawas nga matud pa nakagawas sa nasud si Lim Jr., kinsa maoy suspect sa nahitabong road rage sa F. Sotto Street, Barangay Kamputhaw ning siyudad niadtong adlaw’ng Domingo nga miresulta sa pagka-angol sa nurse nga si Ephraim Nuñal.

Si Cebu City Mayor Tomas Osmeña miingon kagahapon nga base sa pakisusi nga gihimo wala’y record sa Mactan Cebu International Airport (MCIA) si Lim.

Hinuon, nagpatabang na ang mayor kang Special Assistant to the President Christopher “Bong” Go nga ibutang ang ngalan ni Lim sa watchlist aron dili kini makalarga paingon sa laing nasud.

Kahinumduman nga nangunay si  Osmeña sa pagpahigayon og hot pursuit operation sa panimalay sa mga Lim bisan way search warrant.

Si Osmeña mohatag og P100 mil nga reward money alang niadtong makahatag og dugang impormasyon kun asa si Lim karon.

“I want to send a message to all the ‘spoiled-brats’ here in Cebu, you’re nothing special, I come from a powerful family, from the upper class, ako nauwaw gyud ko, nauwaw gyud ko that we have people like this,” matud sa mayor.

Samtang si Konsehal Dave Tumulak, Deputy Mayor for Police Matters miingon stable na karon ang kahimtang sa biktima ug gibantayan usab kini sa kapulisan diha sa tambalanan.

Dugang ni Tumulak ang pamilya ni David Lim Jr. mipadayag na sa ilang kaandam nga makig-alayon sa mga tinugyanan sa balaod kalabot sa maong hitabo.

“Negative. Walay David Chua Lim Jr. ang nigawas sa nasud as of 2:30pm,” matud pa sa tinubdan gikan sa BID kagahapong adlawa.

Si Sr. Supt. Joel Doria, director sa Cebu City Police Office miingon nga nagpaabot pa sila sa biktima o sa mga kabanay niini nga pormal nga moduso og kaso.

Si Doria midugang nga ang babaye nga kauban ni Lim nga makita sa video ang gikonsidera sab sa kapulisan isip accessory sa kremin.

“Nasa crime scene po siya, kasama ng suspect na tumakas,” pasabot pa ni Doria.

Samtang giklaro ni Doria nga hot pursuit operation ang gibuhat sa iyang mga sakop kauban ang mayor pagpangita sa suspek sa mga balay niini. Decemay Padilla, Mitchelle Palaubsanon ug Jojo Ugdol (BANAT NEWS)

  • Follow Us: