Selosong bana nanunggab sa asawa
CEBU, Philippines - Nalandig sa tambalanan ang usa ka asawa human gidunggab sa bana sa Sitio Tinahas, Media Once, Siyudad sa Toledo.
Si Estela Librea, hingkod, ang nakaangkon og samad dinunggaban sa nawong ug nagkadaiyang parte sa lawas human gidunggab sa iyang bana nga si Marlon Librea gamit ang cutter.
Ang anak sa biktima nga si Teresita Pacquing ang nakadawat og tawag gikan sa iyang kabanay sa maong insidente hinungdan nga dali usab kini nga nitaho sa kapolisan ug nangayo og pakitabang.
Gidala ang biktima sa Toledo City Hospital apan gibalhin sa usa ka tambalanan sa Dakbayan sa Sugbo.
Ang bana ang wala na magpakita ug gituohang nagpalayo na sa maong lugar.
Gituohan nga posibleng pangabubho ug selos ang hinungdan human pipila na kahigayon nga nagpa-blotter ang biktima batok sa iyang bana tungod usab sa ilang away. - /GMR) (BANAT NEWS)
- Latest