Kapitolyo di na interesado sa luna sa Fuente rotunda

CEBU, Philippines - Walay plano ang Kapitolyo nga mo-apelar sa desisyon sa korte sa pagpanag-iya sa luna sa Fuente Osmeña Rotunda.

Si Regional Trial Court Judge Generosa Labra nidesisyon nga ang Fuente Osmeña Rotunda gipanag-iya sa Dakbayan sa Sugbo.

Alang kang Gobernador Hilario Davide III nga walay issue kung kinsa ang tag-iya sa luna sanglit ang mga Sugboanon maoy nanag-iya niini ug dili ang Kapitolyo o ang City Hall.

"That's for everybody, nobody should claim ownership over that, it's everybody's, it's the Cebuanos own that," matud ni Davide.

Si kanhi gobernador Gwendolyn Garcia nipasaka og civil case batok sa City Hall kabahin sa pagpanag-iya sa luna apan pakyas sa pagdepensa ang Kapitolyo sa pangangkon niini.  (BANAT NEWS)