Luna sa Kapitolyo idonar ngadto sa UP
CEBU, Philippines - Gihatagan na og pagtugot sa hunta probinsyal si Gobernador Hilario Davide III nga mopirma sa deed of donation sa luna nga yuta nga gipanag-iya sa probinsya ngadto sa University of the Philippines.
Ang maong luna nahimutang sa Barangay Busay, Dakbayan sa Sugbo.
Matud pa nga ang maong yuta alang lang kini sa himoong relocation site sa mga informal settlers nga nagpuyo sa luna sa UP.
Si Bokal Jude Thaddeus Sybico ang nangamahan sa resolusyon nga naghatag sa katungod kang Davide.
Si UP Cebu Dean Liza Corro nagkanayon nga kanunay ang pagsuporta sa Kapitolyo ngadto sa UP.
Matud niya nga ang maong luna nga idonar sa probinsya alang kini sa mga apektado sa sunog sa Sitio Avocado, Barangay Lahug.
Matud ni Corro nga hinay-hinay usab ang pagpabalhin sa mga okupante ngadto sa maong relocation site. (BANAT NEWS)
- Latest
