Plastik ban sa Lapu-Lapu ipatuman
CEBU, Philippines - Planong ipatuman ni Mayor Paz Radaza ang plastic ban sa Dakbayan sa Lapu-Lapu aron malikayan ang pagbara sa mga kanal niini kun mobaha panahon sa ting-ulan.
“We don’t have to see it nga mobara na ug mag-flood usa pa. Atong gitan-aw na lang daan ang future,” matud ni Radaza sa iyahang press conference sa miaging Miyerkules.
Sayo ning buwana, si Mayor Luigi Quisumbing sa Dakbayan sa Mandaue estriktong mipa-ban sa paggamit og plastic sa siyudad tungod kay nakita nila nga kini maoy nakabara sa mga kanal sa siyudad dihang nibunok ang uwan sayo sa buwan sa Hunyo.
Kung ang Dakbayan sa Mandaue mipatuman og matag adlaw nga plastic ban, si Radaza nagkanayon nga pagabuhaton ang plastic ban duha ka adlaw sa usa ka semana.
“There was already a suggestion and there was already a proposal from Councilor Ricardo Amores. There are certain days in a week, two days in a week," matud pa ni Radaza.
Matud ni Radaza, iyaha ipatuman ang plastic ban sa adlaw’ng Biyernes ug Sabado apan ipaagi pa kini og usa ka public consultation aron makahatag og katin-awan niini. Atol sa konsultasyon, isugyot usab ang paggamit og sudlanan, sama sa recyclable bags, tupperwares , containers o basket bags.
Sa pagkakaron ang dakbayan mohimo pa og schedule atol sa public hearing sa pag-implementar sa plastic ban. (BANAT NEWS)
- Latest
