Kap. Bucao nagplano sa ABC
CEBU, Philippines - Gitug-an ni Kapitan Yehyen Bucao sa Barangay San Isidro, Dakbayan sa Talisay nga andam siyang pilion isip presidente sa Association of Barangay Councils (ABC).
Apan siya nitataw nga iya unang dag-on ang eleksyon sa barangay karong Oktubre aron matigayon na gyud ang maong tinguha.
Sa pagkakaron si Bucao naa sa iyang ikaduhang termino isip kapitan sa San Isidro.
Siya ang kasamtangang bise presidente sa ABC nga gipangulohan ni Kapitan Raul Cabañero sa Bulacao.
Si Bucao ug Cabañero pulos kaalyado sa grupong Alayon ug ilang naandan nga ang mamahimong presidente sa ABC kadtong mga kapitan nga naa sa katapusang termino.
Matud ni Bucao nga ang mga kapitan gyud ang modesisyon kay sila man ang mobotar.
Asoy pa niya nga nakita sa iyang mga kaubang kapitan ang iyang mga lihok sa ilang asosasyon apan magdepende lang kini kanila.
Si Bucao napiling Outstanding Barangay Captain sa Rehiyon-7 ug nahimong chairman sa Talisay Women’s Council ug sa Tourism.
Si Bucao maoy asawa ni Bise Mayor Alan Bucao sa Dakbayan sa Talisay. (BANAT NEWS)
- Latest