Brigada Eskwela sa Mandaue
CEBU, Philippines - Ang mga publikong tulunghaan sa Dakbayan sa Mandaue gikatakdang molusad sa Brigada Eskwela sa Mayo 30 ngadto sa Hunyo 4 isip kabahin sa pagpangandam sa pagbukas sa klase karong tuiga.
Sa memorandum nga giluwatan ni Mandaue City School Division Superintendent Arden Monisit niadtong Mayo 3 niining tuiga, ang Brigada Eskwela sugdan pinaagi sa caravan sa mga partisipanteng publikong tulunghaan ug pagatapuson diha sa Mandaue City Comprehensive National High School (MCCNHS) sa Brgy. Centro sa maong dakbayan.
Magsilbing coordinators ang mga prinsipal ug ang mga Parents Teacher Association (PTA) sa matag publikong tulunghaan aron magtinabangay sa pagplano. Ang Brigada Eskwela himuon kada tuig usa ka semana sa dili pa magsugod ang klase.
Naglakip pagpangandam ang disaster-preparedness, ecological consciousness ug uban pa. (BANAT NEWS)
- Latest