Polis nabagnos sa dalan

CEBU, Philippines - Usa ka sakop sa kapolisan sa Sibonga ang nalandig sa tambalanan human kini madisgrasya sa iyang motor sa highway sa Brgy. Sabang, Sibonga.

Ang maong polis giila nga si PO1 Marc Quiamco sa Sibonga Police Station, 23, kasamtangang nagpaalim sa Carcar City Provincial District Hospital. Siya nakaangkon og grabing samad sa nagkalain-laing parte sa lawas ug ulo human mabagnos sa karsada.

Sigon sa inisyal nga imbestigasyon nga ang biktima nga sakay sa Yamaha Mio 125 paingon sa siyudad sa Carcar kalit lang mi-brake aron unta paglikay sa minibus sa iyang unahan nga mo pick-up  unta og pasahero.

Tungod sa kalit-kalit nga pag-brake maayong pagkabagnos sa biktima diha sa karsada ug sa railing sa kilid niini. (BANAT NEWS)